ຄວາມພ້ອມໃນການສົ່ງອອກຂອງ ສປປ ລາວ

ທ່ານເປັນວິສາຫະກິດລາວ ທີ່ຕ້ອງການສົ່ງອອກໄປຕະຫຼາດສາກົນບໍ່ ? ທ່ານສົນໃຈຮຽນຮູ້ເພີ່ມເຕີມ ກ່ຽວກັບ ວິທີສົ່ງເສີມທຸລະກິດຂອງທ່ານ ແລະ ຍາດແຍ່ງເອົາຜົນປະໂຫຍດຈາກໂອກາດທາງທຸລະກິດບໍ່ ?
ຫຼື ທ່ານພຽງສົນໃຈເພີ່ມຄວາມຮູ້ ກ່ຽວກັບ ຂະບວນການສຳລັບທຸລະກິດຂອງລາວໃນການສົ່ງອອກ ແລະ ມີສ່ວນຮ່ວມໃນການຄ້າສາກົນ ?

ລົງທະບຽນຫຼັກສູດການຮຽນຮູ້ ເພື່ອສ້າງຄວາມເຂົ້າໃຈ ກ່ຽວກັບ ຫຼັກການສຳຄັນໃນການດຳເນີນທຸລະກິດສົ່ງອອກ ສປປ ລາວ ແລະ ການເຂົ້າເຖິງຕະຫຼາດສາກົນ

ໄປຫາແຫຼ່ງຂໍ້ມູນ

ກ່ຽວກັບຫຼັກສູດ

ຫຼັກສູດດັ່ງກ່າວນີ້ ພະຍາຍາມສ້າງຄວາມເຂັ້ມແຂງໃຫ້ແກ່ວິສາຫະກິດຢູ່ ສປປ ລາວ ໃຫ້ມີຄວາມພ້ອມໃນການສົ່ງອອກ ແລະ ເຂົ້າເຖິງຕະຫຼາດສາກົນ. ຖ້າຫາກຜ່ານຫຼັກສູດນີ້ແລ້ວ ທ່ານຈະສາມາດເຂົ້າໃຈ ແລະ ປະຕິບັດຢ່າງສອດຄ່ອງຕາມລະບຽບການສົ່ງອອກ ສປປ ລາວ ໄດ້ດີຂຶ້ນ, ລວມທັງດ້ານອື່ນໆເຊັ່ນ: ຂໍ້ກຳນົດດ້ານການຂົນສົ່ງ, ການຫຸ້ມຫໍ່ ແລະ ການຕິດສະຫຼາກ ໂດຍເນັ້ນໃສ່ການສົ່ງອອກໄປປະເທດສະມາຊິກອາຊຽນ ແລະ ສະຫະພາບເອີຣົບ

ຫຼັກສູດນີ້ຕ້ອງການໃຫ້ຄວາມຮູ້ພຶ້ນຖານກ່ຽວກັບວຽກງານການສົ່ງອອກທີ່ຕິດພັນກັບການຄ້າທີ່ປະສົບຜົນສຳເລັດ, ເພື່ອສ້າງຂີດຄວາມສາມາດຂອງ SMEs ລາວໃນການດຳເນີນງານຢ່າງມີປະສິດທິພາບໃນຕະຫຼາດສາກົນ

ໄປຫາຫຼັກສູດທີ່ເປັນພາສາອັງກິດ

ໄປຫາຫຼັກສູດທີ່ເປັນພາສາລາວ

ພາຍຫຼັງຈົບຫຼັກສູດນີ້ແລ້ວ ຜູ້ເຂົ້າຮ່ວມຈະສາມາດເຂົ້າໃຈ ກ່ຽວກັບ :

ຂັ້ນຕອນສຳຄັນຂອງການເປັນຜູ້ສົ່ງອອກໃນ ສປປ ລາວ

– ລວມທັງ ໄດ້ຮັບ ໃບອະນຸຍາດ/ໃບອະນຸຍາດດຳເນີນທຸລະກິດທີ່ກ່ຽວຂ້ອງ ແລະ ຮັບຮູ້ວ່າມີ ສະຖາບັນໃດແດ່ທີ່ທີ່ກ່ຽວຂ້ອງ.

ລະບຽບການ ແລະ ຂັ້ນຕອນການດຳເນີນການສົ່ງອອກ

– ໂດຍສະເພາະ ທີ່ກ່ຽວຂ້ອງກັບການຂົນສົ່ງ, ລະບົບການຈັດການຂົນສົ່ງ ແລະ ລະບຽບການທາງພາສີ.

ອົງປະກອບໃນພາກປະຕິບັດຂອງການມີສ່ວນຮ່ວມໃນຖານະຜູ້ສົ່ງອອກ

– ເຊັ່ນ: ການຄາດຄະເນຕົ້ນທຶນທີ່ຕິດພັນກັບການສົ່ງອອກ ແລະ ການຊອກາຫາຜູ້ຊື້ສຳລັບຕະຫຼາດ ແລະ ຜະລິດຕະພັນທີ່ກ່ຽວຂ້ອງ.

ລັກສະນະສະເພາະ ທີ່ກ່ຽວຂ້ອງກັບການຄ້າກັບຕະຫຼາດອາຊຽນ ແລະ ສະຫະພາບເອີຣົບ.

– ກວມເອົາ ຂໍ້ກຳນົດກ່ຽວກັບການເຂົ້າເຖິງ ແລະ ລະບຽບການນຳເຂົ້າ.

ໃຫ້ກົດໃສ່ນີ້ ເພື່ອເຂົ້າເຖິງໂມດູນ (ບົດຮຽນ) ຂອງຫຼັກສູດ

ໃຜແດ່ທີ່ສາມາດລົງທະບຽນຮຽນຫຼັກສູດນີ້?

ວິສາຫະກິດລາວ ລວມທັງ SMEs ເປັນຫົວໜ່ວຍທຸລະກິດສົ່ງອອກໃໝ່ ຫຼື ຕ້ອງການຍົກລະດັບຄວາມຮູ້ດ້ານລະບຽບການ ແລະ ຂັ້ນຕອນການປະຕິບັດທີ່ມີຢູ່.

ພະນັກງານ ທີ່ກ່ຽວຂ້ອງກັບການຄ້າ ທີ່ຕ້ອງການພັດທະນາຄວາມຮູ້ ຄວາມສາມາດ ໃນການປະກອບສ່ວນເຂົ້າໃນວຽກງານທາງທຸລະກິດ.

ພະນັກງານລັດ, ນັກສຶກສາມະຫາວິທະຍາໄລ ຫຼື ທີ່ປຶກສາ - ກໍໄດ້ຮັບການຊຸກຍູ້ໃຫ້ເຂົາຮ່ວມຫຼັກສູດນີ້ ເພື່ອຮຽນຮູ້ເພີ່ມເຕີມ ກ່ຽວກັບຂອບການສົ່ງອອກຂອງລາວ ແລະ ກຽມພ້ອມໃນການສະໜັບສະໜູນ ວິສາຫະກິດຂອງລາວໃຫ້ກ້າວສູ່ການຄ້າສາກົນ.