ການກະກຽມເພື່ອສົ່ງອອກ

ການເນັ້ນໃສ່ ວິສາຫະກິດຂະໜາດນ້ອຍ ແລະ ກາງ (SMEs) ຫຼັກສູດການຝຶກອົບຮົມນີ້ ສະເໜີພາບລວມແບບຄົບຊຸດ ກ່ຽວກັບ ວິທີການສົ່ງສິນຄ້າອອກຈາກ ສປປ ລາວ ໄປຕ່າງປະເທດ ໂດຍຜູ້ສົ່ງອອກຂອງລາວທີ່ມີທ່າແຮງ, ລວມທັງ ບັນດາເງື່ອນໄຂໃນການປະຕິບັດຕາມຫຼັກການ ແລະ ສົນທິສັນຍາສາກົນຂັ້ນພື້ນຖານ, ການປະຕິບັດໄດ້ຕາມເງື່ອນໄຂການສົ່ງອອກ, ການຊອກຫາ ແລະ ການເຊື່ອມຕໍ່ກັບຜູ້ຊື້ ແລະ ການກະກຽມການບໍລິຫານຈັດການຂົນສົ່ງຈາກບັນດາບໍລິສັດທີ່ຊຳນານງານຈາກພາຍນອກ (ບຸກຄົນທີສາມ).

ຈາກການໄດ້ສຶກສາ ຕົວຢ່າງແບບລະອຽດ, ການເຮັດບົດຝຶກຫັດ ແລະ ກໍລະນີສຶກສາຕ່າງໆ ຊຶ່ງສິ່ງທີ່ຖືກຍົກຂຶ້ນມາສິດສອນ ແມ່ນຖືກເລືອກເຟັ້ນມາຢ່າງຮອບຄອບ ແລະ ສອດຄ່ອງຕາມເງື່ອນໄຂຂອງລາວ, ຫຼັກສູດດັ່ງກ່າວ ບັນຈຸເອົາທຸກຢ່າງທີ່ບັນດາຜູ້ເຂົ້າຮ່ວມຕ້ອງການ ເພື່ອເລີ່ມຕົ້ນເສັ້ນທາງການສົ່ງອອກຂອງຕົນ, ມີເວັບໄຊ້ທີ່ເປັນປະໂຫຍດ, ຂໍ້ມູນສຳລັບການຕິດຕໍ່ສື່ສານ ແລະ ສິ່ງສະໜັບສະໜູນອື່ນສຳລັບຜູ້ທີ່ຢາກຮຽນຮູ້ເພີ່ມເຕີມ.